كيف وصل الاخواني محمد مرسي للحكم في مصر ...؟؟؟؟

كيف وصل الاخواني محمد مرسي للحكم في مصر ...

كانت خدعة اخوانية في نظام الانتخابات الرئاسية وقانون الترشح ...

في الجولة الاولى في الانتخابات مرسي عن الاخوان جاب الاول بٓ 5.7 مليون صوت واحمد شفيق من النظام السابق جاب الثاني بـ 5.5 مليون صوت وحمدين صباحي مرشح مستقل جاب الثالث بـ 4.8 مليون صوت ... طبعا يترشح الاول والثاني بس للجولة الثانية ...

في الجولة الثانية من الانتخابات الرئاسية كانت الناس بين اختيارين احلاهما مرّ ، شفيق من النظام السابق أو مرسي من الاخوان ..

الكثير من الناس كانوا رافضين عودة النظام السابق فصوتوا للأخوان وفاز مرسي بـ 13 مليون صوت وشفيق تحصل على 12 مليون ...

الناس كانت تقول اكبر خطأ ترشح شفيق عن النظام السابق لأنه افسد فرصة فوز المستقلين برئاسة الجمهورية المصرية ... يعني لو الجولة الثانية كانت بين حمدين صباحي ومرسي كانت الاغلبية من المصريين صوتت لحمدين صباحي ليفوز بالرئاسة ...

باهي احنا شني علاقتنا بالانتخابات المصرية ... !!
 أهو نقولك ...

الامم المتحدة وامريكا والاتحاد الاوروبي يبو انتخابات رئاسية وبرلمانية في ليبيا في بداية 2018 ....

يعني لو يترشح واحد من الاخوان من مصراتة مثل محمد صوان ويترشح معاه المشير حفتر مني في رأيك حيفوز في الانتخابات ... طبعا حفتر وحيطلعوا الاخوان يقولوا حفتر فاز لأن الازلام وبقايا النظام السابق صوتوا له ...
 باهي توا انت حط نفسك مكان الاخوان ...

وفكر شني ادير باش الازلام معادش يصوتوا لحفتر ... تره فكر شوية ...
 ايوه صح يطلعوا سيف القذافي من الحبس ويخلوه يترشح للإنتخابات باش حفتر مايفوزش في الانتخابات

لأن الاغلبية في مصراتة وغريان والزاوية وزليتن والخمس وصبراتة وتاجوراء وسوق الجمعة وجنزور والامازيغ وبعض من طرابلس حيصوتوا لصوان (مرشح مصراتة والثوار والاخوان والمقاتلة) ...

وبني وليد وترهونة وورشفانة وسرت والمشاشية والاصابعة والعجيلات والصيعان ورقدالين والجنوب حيصوتوا لسيف القذافي ...

والمشير حيصوتوا معاه الشرق كله والزنتان والرجبان وبعض من طرابلس وبعض من المدن الاخرى ...

تصوروا ان المشير مايجيبش الاول او الثاني في الجولة الاولى يعني التنافس حيكون بين صوان متع الاخوان وسيف ...

والناس اللي صوتت للمشير في الجولة الاولى مش حتصوت للأخوان ... وحيفوز#سيف_برئاسة_ليبيا ...

والاخوان عندهم عادي لأن هذا اتفاق بين سيف وقذاف الدم والاخوان والمهم ان المشير مايوليش رئيس ليبيا ...

عرفتوا توا ليش الافراج عن سيف حسب ما قالوا ... عنده 7 شهور باشي يوتي روحه للإنتخابات ...

تتذكروا بيان القوة الثالثة اللي قالوا فيه ماعندهمش مانع ان سيف القذافي يشارك في الحياة السياسية وتصريحات دغيم كذلك ...

وحتى الاخوان والمقاتلة ساكتين عن اطلاق سراح سيف ...
 - كيف انديروا مع المخطط الاخواني هذا ؟

- #فكر_فيها

#الأصداء_الليبية