جبرني علي فك خيط الضميده ** مﻻطم جديده ** من غيبه اللي يشبحوا فالبعيده
جبرني علي فك خيط الضميده ** مﻻطم جديده ** من غيبه اللي يشبحوا فالبعيده
جبرني علي فك خيط الجباره ** اصحاب الكباره ** غابوا وياريت ماحد توارا
تربوا علي عز ربه عصاره ** اقلوبهم وديده ** ع القاصر وعالقاصره والقعيده
وهل شيخ مايحير صاحب ادباره ** بحكمه رشيده ** الحق حق ﻻينقصه وﻻيزيده
وهل طفل يطمان ياﻻ جاره ** سيرته حميده ** واخذ أرضا الناس وأمه وسيده
عليهم حدر دمع عيني اجارا ** في يوم عيده ** اتقول سيل جاء منحدر من هويده
جبرني علي فك خيط الجباير ** اﻻ شي ساير ** وغيبه اللي يدبروا فالدباير
شياله نباء فوق نقب العشاير ** أسياد الغديده ** ركابه اللي أن فز ديره إيحيده
متخلبص أتخلبيص مسدي الباير ** الخاطر رصيده ** عليهم وما ألقيت حاجه أتفيده
الدايم الله يا أنضاف الضماير ** أحكامهم سديده ** الذاهب وبوعقل كله أتصيده
بﻻهم أبقي الخوض في الراي حاير ** امعيشه زهيده ** إيخمم مع شيل حمله إيكيده
جبرني علي فك خيط الضمايد ** أسماح العوايد ** اللي أصبحوا أرقود تحت اللحايد
أسماح النقابات فوق الجوايد ** شياله نصيده ** خشاشه اللي تم يقلي صهيده
عليهم وعلي الخيل وأم الرفايد ** ما من قصيده ** قيلت أسنين كرب كانت شديده
نزاله عفاء فيه بارم الرايد ** منيه الجيده ** شباب لسلسه شباك هو والعضيده
جبرني علي فك خيط الجبيره ** افواهق كبيره ** من غيبه اللي هم أعقول العشيره
اللي يعرفوا صح قيمه الجيره ** ويبقوا رفيده ** للطايح اللي خص ماله من إيده
عليهم مقاويل واجد كثيره ** ذكراهم مجيده ** الزاهق دراه كبد منه أتحيده
ركابه اللي وين ثابت ذخيره ** مشواره إيزيده ** نداوي سقط تحت من ريح صيده
أسرع من اللي وارده ع العقيره ** قطايا فريده ** أرماها احرار صيف معطش وميده
كسابه اللي فالفيافي خبيره ** اسياد الكريده ** بنايه اللي سمح خايل نضيده
يسكنهم اللي نرجوا باب خيره ** أفضاله عديده ** مع أبرار في كنف جنه سعيده
إبداع
ردحذف