رائعه من روائع الشاعر العملاق جمعه بوخبينه الزوي ......ماتقول حاشت ليله ••• علي نجع يطامن احذاه نزيله ••• الدايم الله

رائعه من روائع الشاعر  العمﻻق #جمعه_بوخبينه_الزوي حيث كان يذكر اﻻيام  الجميله اللتي قد عاصرها وبإعتبارها اصبحت ماضي ﻻ  تعود ويعبر عن مدى اشتياقه وحنينه#للنجع_واﻹبل. إيقول :- ماتقول حاشت ليله ••• علي نجع يطامن احذاه نزيله  ••• الدايم الله ماتقول جت مصلوبه ◆◆◆ وﻻقربت ذاري ابعاد الجوبه وﻻتقول ردوها اوهي منهوبه ◆◆◆ وﻻ اتقول جت كم  فارغه مذبوبه وﻻتقول زاحت مالغزال جلوبه ◆◆◆ وﻻ اتقول راضت  في نبات اشبوبه ماتقول تاق هللها ●●● وﻻتقول سيدها دللها وﻻتقول رد القوم يوم شكلها ◆◆◆ وﻻتقول يوم الورد  جا فولها وﻻتقول دل الذاهبين جملها ◆◆◆ وﻻتقول كانت  خالطا بكملها واليوم كل حد نازل بها في جلها ... وضرب الكراهب والجرب كملها ماتقول ماله صايف ●●● وكانت تحوش امعا الليل حجايف علي نجع يطامن احذاه الخايف ◆◆◆ بنايه البيت اللي كبير وهايف اللي وينما يلفى عليه الضايف ◆◆◆ عليهم وع البل والربيع امرايف ماتقول جت ملمومه ●●● جناح وينما ما ماحن الليل نجومه اللي إن غيبت يبقن فزايز نومه ◆◆◆ وهي معزبه في وطن مو في الحومه وفي عقابها يهلني غليظ الزومه ◆◆◆ ويبقن ازباداته علي خرطومه وﻻ يرهب الخلفات وان هجومه ◆◆◆ في اللون حمر داكن رب ع الميدومه وله وروره وينما اتجي امحزومه ◆◆◆ ونميزر كما هلي شلت مضيومه اولو مشترات افلوس دافع سومه ◆◆◆ اولو جايبا رعوه اوهو بهدومه شملول زين مدبها اداب حكومه ◆◆◆ وهي تستحق الشكر في ملزومه ان كان قال شومه نلقانها شومه ◆◆◆ ونكان قال عز العز هي سلومه اونا العقل عندي راقات اعزومه ◆◆◆ خضا عالبكا هابا عليك علومه ماتقول قال القايل ●●● اللي وينما تلفا عليه دﻻيل طعامه الجايع والسنين كﻻيل ◆◆◆ اجواد من اجواد امنسبين اصايل ركابه الكوت اللي إن حس الجايل ◆◆◆ اللي ينظروا وانا عناهم شايل ماتقول حيه الليالي ●●● قدام نجع متشاوط ذرا للجالي بقوله (تفضل) ينهضوا طوالي ◆◆◆ اللي كيف ماتنفخ الجمر البالي اللي لو إن كان وخذت يقدعوا المتالي ◆◆◆ ابها الشي باليهم الله العالي """خطرها سريب البل اللي تمالي ●● وهلها اللي ماعاد منهم والي●● امفيت ما اصورهم قاعدات اقبالي""" ما تقول مولناها ●●● وﻻتقول كنا نعرفوا مرباها وﻻ تقول غليت نين جنسناها ◆◆◆ م الطرمه اللي مو كل حد يقناها وعاقب الدار إن كان جاء ياﻻها ◆◆◆ وما من اللي فيها وما قلناها واليوم في الزرايب قاصرات اخطاها ◆◆◆ امعا وطن موحش صاعبات دروبه اللي غايبين الهم اسنين طويله ◆◆◆ امنين سوقها روسم اوثاب ثقيله حليب كسر منها ساعه التبهيله ◆◆◆ وفي خفافه لو ما انزاح تشيله اللي بغو نابت يعجبك تشكيله ◆◆◆ وفي الكرب حاجه كرب ميش عطيله وهي رايضه في العصر قبلي هلها ◆◆◆ وشاشن لها لنظار من تدليله امنين كل حد يظهر علي تاصيله ◆◆◆ ويخبر الغابي والنجوم دليله اللي هدرتا تحلف رعد في سيله ◆◆◆ ما بينا تفرز اﻻ العزيله ﻻ اطعمه ﻻ بنه بها تدعيله ◆◆◆ علثر الحواصل جايات عديله كان وقتا هابه عليك طرايف ◆◆◆ امعا كل خرمه عندها تهتيله ويقدع العايب كان زافن خيله ◆◆◆ ثﻻثين كيل ذراع وافي كيله يبات في هناء ما تلحقه تنكيله ◆◆◆ وديما نشارف غير مالي حيله علي امراحها حاست ودارت زومه ◆◆◆ ووعت اللي نايم بعد تعسيله وإن كان روحت ماعد اهناك غليله ◆◆◆ حتى إن كنت عيل كل شي صاحيله اللي إن كان هدر كلها ترعيله ◆◆◆ نشير من قماش أبيض نهار غسيله اللي ايردها عند الها تسهيله ◆◆◆ ممشوط الوبر يرطاب في تمقيله اوطا م الحنك عند الها تنزيله ◆◆◆ او نابا ايدل الذاهبين صكيله سيدا - اوﻻ وان الطﻻق اعطيله ◆◆◆ تاليد من تاليد خيره جيله امعاه ﻻتغر وﻻ تدور ضليله ◆◆◆ م الشاعر بعد يلقى عرب تصغيله والشوم تابعها وهي تمشيله ◆◆◆ ابها ينطر ماهي عليه دخيله سبايل أوما صدق القي تسبيله ◆◆◆ منيوم غيبه غياب ﻻ تطريله مدت او حاشت عالفريق الخايل ◆◆◆ ما اللي وصفهم نعجز علي تكميله وان جاهم الرامي يردعوا من ميله ◆◆◆ ماهم وذيله من اجناس وذيله ايجيب الطوارف والنعال دقيله ◆◆◆ وجار جارهم ما زلت نستدميله علي امراحا حاشت الليل التالي ◆◆◆ وعابر السبيل إن كان جاء واتيله ماهم من اللي هل نفوس بخيله ◆◆◆ ماعندهم ع الصايبه تعديله وﻻ ينهضوا مكروب بارد حيله ◆◆◆ بادع الكون ابقدرتا الجليله مشغال سر ننسى يوم ونوليله ◆◆◆ وﻻ عد ايقولوا جوا حماه اكحيله وإﻻ عقاب أوهام قطع انجيله ◆◆◆ وﻻ تقول عمرا وقتها واتاها وكنا نحاموها بكل وسيله ◆◆◆ وﻻ وصفها تاجد اليوم مثيله شياله اثقال #النجع يوم رحيله ◆◆◆ عليها ايصلب متعته وعويله طويل مايحودد وصفها تبيله ◆◆◆ وحنا نحملوا في حلم صاعب نيله