فقد الأم شين .......عاتب عليك البيت والمربوعه ....... ياخال ياخالي وعز الخال

عاتب عليك البيت والمربوعه 
ياخال ياخالي وعز الخال 
عارفينها فاتت حدود اللوعه 
وعارفينها هدت عليك الحال 
وعارفينها ياخال كي لهلوعه 
وعارفينه هالحال مالموحال
وعارفينه يدلف الا بدموعه
وعارفين غيبتا اغياب ارجال
عارفينها للصدر كيف ادروعه
وعارفينها ماعد لها حلال
عارفينه لازم يعود ارجوعه
ولازم يجي لازم يحط انزال
را العقل موجوع والعين موجوعه
من كثرت الفقد وشد الرحال
ولا يجي الغوشا كارب اقنوعه
ولا يجيه الغوشا جية عجال
وحتی ان جيته جيتك طبوعه
ماعادشي جيه تسر البال
ماتقولشي لبناخيه دلوعه
مي صيفتي ولاننطر بدلال
امغير غيبتك هزت كنين ابدوعه
اليوم خاطري ضايق عليه مجال
وغيبت عجوزي خربت مشروعه
وبضربت ولدنا فك فيه اخلال
لوعه عليها كيف نرقد نوعه
اليوم غيبتك كي ضربة الذلال
انخابت انصابت غيبتك ممنوعه
كي ما اغيابه عالمراح غزال
انت طلتك فيها جميع الروعه
خياب رانا عامدين اهبال
خطرها ارياف الحوش والمربوعه
والدار لوله والضحك والتعلال