صب المر كان المر طاب .. مفيش امر من فرق الأحباب

صب المر كان المر طاب .. مفيش امر من فرق الأحباب
صب المر خليه معقود .. انكان تريد ف حقي تجود
ادمنت خذنا طق العود .. لشرب المر جسمي يستجاب
وانكانك قلت يصهد فالكبود .. تقول هذاك لكبود الرطاب
صب المر كان المر طاب .. مفيش امر من فرق الأحباب

صب المر صب .. حتى المر عندي ينشرب
ناوالله ماجيتا رغب .. الا من شئ منا الفكر غاب
هالزمان من قولت اعجب .. نبت نوار ف ذيول الكلاب "حشاكم"
وهالزمان حيله منكرب .. تسكر باب ينفتحن ابواب
وهالزمان بدناها سبب .. يصير اخياب ويطيحن ارقاب
وهالزمان شياله اغلب .. وشكا من شيل لحمول الصعاب
وهالزمان حتى فالنسب .. فيه الراي ف ايدين الشباب
وهالزمان حتى اللي كذب .. القي من قال قال الا الصواب
وهالزمان فيه اللي اذهب .. ريت العكس قالو ويش جاب
وهالزمان فيه اللي خنب .. عند الناس يحضا بي الاعجاب
وهالزمان سكن الخرب .. بدو ف بني نطحات السحاب
وهالزمان فيه يفزع الرب .. الا ما فيه ماشى للخراب
صب المر كان المر طاب .. موش امر من فرق الأحباب

ونا ف الدهر راني مانسب .. انخاف الله وانخاف العقاب
وعندي عقل من طول الدرب .. خذا عالمر ما ع المر تاب
عليش وليش منكم ياعرب .. طرحت سؤال وانريد الجواب
ولو مانخاف ناقع ف مطب .. ياما في عندي في الجراب
صب المر كان المر طاب .. موش امر من فقد الأحباب