فتش فالتاريخ عليها .. قبل اتجيها .. برقة يحكيلك ماضيها

فتش فالتاريخ عليها .. قبل اتجيها .. برقة يحكيلك ماضيها.

.

.

برقة يا ناشد عن برقة .. برقة هلها ناس عصارة

.

.

برقة في ساعات الشرقه.. فزاعة والها كم مارة

.

.

برقة ما ترضى بالفرقة .. لا تغدر ﻻ ادير صغارة

ما ملي ابدمه راويها ..صامد فيها .. والبرقة روحه هاديها

.

.

سلملي ع اللي فالوادي .. رابط دون الوطن ايحامي.

.

.

قايل هذا وطن اجدادي .. ياناويه اترابه حامي

.

.

كسابين الضان ابوادي .. قيسك عالماضي متعامي

.

.

برقة ي اللي متحديها ..مايرخيها ..ربي صاينها حاميها...

.

.

برقة جيابت فرسان .. ما يرخوها وان شكلها..

لفو مالوادي للبطان ..هذي برقة وهذي هلها..

.

.

كسابه للبل والضان .. فيها يفنو يا جاهلها...

.

.

قبلك طلياني غازيها .. جا يبيها .. كل اجيوشه راحن فيها..

.

.

جبارة ع اللي ايعاديها ... ياناويها .. برقة مايربح غازيها...

.

.

.

فتش فالتاريخ عليها .. قبل اتجيها .. برقة يحكيلك ماضيها.

بقلم اميره الورفلي.