قصة زوجية مؤلمة 🔘 قصه حقيقيه للعبره

🔘أنا أبو فهد وحاب أحكي لكم قصتي مع زوجتي أم فهد الله يرحمها رحمة واسعة ويغفر لها ويجعلها في أعلى مراتب الجنة
🔘أنا رجال متزوج من 3 سنوات بس حملت حرمتي بعد سنة من زواجنا وجابت لي فهد الله يحفظه
🔘وشي طبيعي تكون فيه مشاكل في حياة الإنسان سواء كان الغلط مني أو منها، لكن الشي اللي مو طبيعي أنها داااايم كانت هي المبادرة للصلح سواء كانت غلطانه أو لا وأنا أحياناً أقبل صلحها وأحياناً اتغلى عليها يوم أو يومين وتتعب مسكينة ( آآآه يا أم فهد الله يرحمك)
🔘وراي بالاتصالات وإذا جيت البيت تحاول ترضيني باللي أبيه لين جاء ذاك أليوم اللي ما راح أنساااه طول حياتي تناقشت معها عشان تبيني أسفرها لأهلها بحكم أنها ما شافتهم من وقت ما جابت فهد عمره حول السنتين وهم في منطقه ثانية وكان عندي إجازة من العمل ورفضت، وضلت تحاول كل يوم إني أوديها وأنا ارفض وأنا اعرف نقطة ضعفها زعلي ما تبيني أزعل عليها وقلت لها أنا زعلان منك ومتضايق ولا عاد تكلميني ودخل الشيطان بيننا كلمة منها وكلمة مني وجرحتها كثييييييييير بالكلام (مع أنها نادراً ما تصرخ علي عسى مرقدها في الجنة)
🔘وأطلع وأخلي لها البيت بكبره وأروح لأهلي وشكلها ندمت كالعادة وبدت تتصل علي واحط الجوال صامت وترسل لي ولا أرد عليها وقعدت على هالحال من بعد المغرب إلى حوالي الساعه 11 بالليل وأنا معطيها طنااااااااش واستغربت انقطع اتصاالاتها بس قلت أكيد طفشت ، وتعشيت عند أهلي ورجعت البيت وياصعووووبة ذيك الليلة دخلت البيت كان قمممة في الهدوء ما أسمع شي ودخلت غرفة النوم ما فيها أحد رحت الصالة لقيت فهد نايم عند ألعابه قلبي نغزني ماهي عادتها تخلي ولدها ينام في الصالة.
🔘رحت المطبخ لقيتها طايحه بالأرض (كانت تجهز العشااء .. أم فهد كانت تجهز لي الطبخة اللي أحبها وأنا كنت مو مهتم فيها) والدم طالع من أنفها نسيت الزعل ونسييييت كل شي وأدق عالإسعاف وأشيل ولدي وأنزله عند جارنا اللي تحت وجاء الإسعاف وشليت أم فهد عالمستشفى أول ما وصلنا كأنها رجعت فاقت وماطولت وسلّمت روحها للي خلقها .
🔘بغيت أنجن صررررخت قطعت ثيابي ما فيه فايدة راحت أم فههد راحت شريكة حياتي راحت أمي وأختي وزوجتي ورفيقة دربي وشريكة حياتي راحت الطيبة الحنونة اللي ما ترضى بزعلي عليها وليتها راحت مرتاحة راحت مقهورة مني راحت زعلانة راحت ما شافت أهلها لها سنتين ما شافتهم
🔘ألحين هي المرة الأولى اللي أدور فيها رضاها لكن وشلون ألاقيه ... واللي يذبحني أكثر ولدها فهد نسخة منها في الشكل والتصرفات أموووت فية مرة لا سمعته يدور ماما ما يدري إني أنا بعد أدورها كل يوم في المطبخ والصالة وأحضن وسادتها قبل أنام.

🔘هذي قصتي يالربع ونصيييحة لا تغلطون غلطتي والله إنها غلططططة ما تغتفر أنا ما اعترض على قضاء ربي هذا يومها لكن اللي كاسر ظهري إني زعلتها وماتت زعلانه
نسيت اقولكم ان الضغط ارتفع عندها وسبب انفجار في الوريد اللي في الراس وصار عندها نزيف.
🔘وكل ذا بسببي...

🔘الله يرحمك يا أم فهد يالحنووونه ويرزقك الجنة ويجمعني بك فيها.

🔘رجاءاً اللي يقرأ هذه القصة يرسلها إلى من في قائمته لتكون عظة وعبرة خصوصاً للرجال.
🔘قال عليه الصلاة والسلام:
( استوصوا بالنساء خيرا )