ما زلت نا هو نا ....فيه ناس ودك في الحياه اتصاحبها.
وفي ناس تضايق بعد تلقاهم
وفي ناس طول العمر ما اتسيبها...
وفي ناس ما يثمر الخير معاهم
وفي ناس ديما خاطرك تكسبها....
وفي ناس تفرح بعد تنساهم
وفي ناس ديما في الغلا ترغبها...
وفي ناس ما تضمن ايدوم غلاهم
وفي ناس تجني خير من مذهبها...
وفي ناس تذهب لو خذيت ارائهم
وفي ناس تزهى وين ما تقربها...
وفي ناس ما تعبى عليه اعباهم
وفي ناس تمشي وفاقده مركبها...
وفي ناس ما تركب امغير وراهم
وفي ناس عند الجود ما تغلبها...
وفي ناس ديما البخل ما يخطاهم
وفي ناس تاخذ قدر لو اتجربها...
وفي ناس وقت الضيق ما ترجاهم
وفي ناس تلقى فخر لو اتناسبها..
وفي ناس تندم لو اتقول اسماهم .
تعليقات
إرسال تعليق